За апошнія некалькі дзён Святлана Ціханоўская зрабіла даволі шмат гучных заяў. І зараз нават не пра яе словы наконт таго, хто ў Беларусі — галоўны дармаед. Спачатку шуму нарабіла яе згода ўзначаліць краіну. Хоць і на перыяд падрыхтоўкі новых выбараў, але… Раней яна нават на такі перыяд адмаўлялася ўзначальваць Беларусь. Потым з’явілася прапанаваная яе офісам Канцэпцыя выбараў. Што прымусіла Святлану Ціханоўскую змяніць сваё меркаванне наконт кіравання краінай? Якія галоўныя тэзісы яе Канцэпцыі выбараў? І самае галоўнае: калі гэтых выбараў, паводле прагнозаў, варта чакаць? Тлумачыць прэс-сакратарка Святланы Ціханоўскай Ганна Красуліна.