Топ-мадэль, "Міс Беларусь 2008" Вольга Хіжанкова сёння не выйшла на свабоду. Яе муж Іван Марозаў быў сярод тых, хто чакаў яе побач з мінскім ізалятарам на Акрэсціна. Для яго тое, што адбываецца, балючы і непрыемны ўдар: "Усёй душой ужо хацелася б сустрэцца, абняць яе і паехаць дадому". Вольгу Хіжанкову затрымалі 8 лістапада падчас пратэстнага марша ў Мінску. З таго часу — ужо больш за месяц — яна застаецца за кратамі. 11 снежня яе мусілі выпусціць. Але пакінулі за кратамі яшчэ на 5 сутак. Іх ёй дадалі за парушэнне дысцыпліны.