Палітычнага аглядальніка Ігара Ільяша затрымалі 24 лістапада. І асудзілі на 15 сутак за ўдзел у “несанкцыянаваным мерапрыемстве”, нягледзячы на тое, што на момант свайго нібыта ўдзелу ў тым мерапрыемстве Ігар Ільяш знаходзіўся ў зусім іншым месцы. Але гэта нікога не цікавіла — ні суддзю, ні сведкаў “злачынства” журналіста. Выглядала на тое, што сам Ільяш на момант затрымання і суда быў пакараны за сваю жонку — журналістку Кацярыну Андрэеву… Чым запомніліся затрыманне, суд і суткі ў баранавіцкім ізалятары? Ці верыў, што “адседка” абмяжуецца 15 суткамі адміністрацыйнага арышту? Адказвае журналіст, палітычны аглядальнік, суаўтар кнігі-расследавання “Беларускі Данбас” Ігар Ільяш.