Лідарка спартоўцаў-пратэстоўцаў, баскетбалістка Алена Леўчанка ў жывым эфіры гутарыць з легкаатлетам Максімам Недасекавым, які падпісаў адкрытае пісьмо спартоўцаў у падтрымку беларускіх уладаў. — Я падтрымліваю Лукашэнку, — кажа Недасекаў. — А гвалт ты таксама падтрымліваеш? — пытаецца Леўчанка. — Гвалт ніхто не падтрымлівае, — працягвае Недасекаў. — Чаму, калі я падтрымліваю Лукашэнку, я адразу падтрымліваю гвалт? — Чуў, як брата Дар'і Домрачавай збілі? — Якая розніца, чый брат. Жорсткасць? Ну, якая жорсткасць... Я проста не заходжу ў інтэрнэт і не гляджу гэта. — Я цікаўлюся толькі тым, што мне цікава. — Я прадстаўляю не народ, а сцяг і гімн. Я прадстаўляю людзей, якія мяне рыхтавалі. Прычым тут людзі, якія не цікавіліся мною? Ёсць кола людзей, якія мяне падтрымліваюць. Якія займаюць пасады, вядуць мяне да маіх дасягненняў. За гэтых людзей я буду выступаць.