Традыцыйная палітычная апазіцыя апынулася на ўзбочыне палітычнага жыцця Беларусі калі не ад пачатку сёлетняй выбарчай кампаніі, то пачынаючы са жніўня — дакладна. Прычым гэта датычыцца ўсіх партый: як класічна апазіцыйных, так і “канструктыўнах”, і праўладных. А тут яшчэ ўлады падрыхтавалі ім новы непрыемны сюрпрыз — перарэгістрацыю. Чаму палітычныя структуры аказаліся негатовымі да палітычнай актывізацыі грамадства? Чым сёння жыве і займаецца “Грамада”? Ці спадзяецца партыя перажыць перарэгістрацыю? Адказвае старшыня партыі “Грамада” Сяргей Чэрачэнь.