У краіне, дзе “иногда не до законов”, пераследуюць за бел-чырвона-белы сцяг на балконе, а галоўны доказ у судзе — сведачанне амапаўца Івана Іванавіча Іванова ў балаклаве, аб’явілі 2021 год… годам народнага адзінства. А яшчэ вырашылі стварыць Савет старэйшын, правесці чарговы Усебаларускі народны сход і зладзіць грамадскі дыялог пад мадэратарствам Юрыя Васкрасенскага. І ўсё гэта на фоне не толькі пратэстаў і рэпрэсій, але і зліваў пра тое, як у 2012 годзе беларускія спецслужбы планавалі забойства шэрагу апанентаў Лукашэнкі. Якога “народнага адзінства” прагне Лукашэнка і ці магчымае яно? Якія будуць наступствы чаргова зліву яшчэ адной тэлефоннай размовы з уладных кабінетаў? Навошта Лукашэнку Усебеларускі сход? На гэтыя ды іншыя пытанні адказвае палітычны аналітык Валерый Карбалевіч.