Запіс размовы з абмеркаваннем забойства апанентаў Лукашэнкі за мяжой нарабіў шмат шуму не толькі ў Беларусі, але і за яе межамі — найперш ва Украіне. Усё праз забойства ў 2016 годзе ў Кіеве беларускага журналіста Паўла Шарамета, імя якога таксама гучыць на згаданым запісе. Якое дачыненне запіс, нібыта зроблены ў 2012 годзе ў Мінску, мае да забойства Паўла Шарамета ў 2016 годзе ў Кіеве? Ці магчыма, што з’яўленне гэтага запісу менавіта цяпер скіравана не толькі супраць Лукашэнкі, але і супраць кіраўніцтва Украіны — як Уладзіміра Зяленскага, так і яго папярэдніка Пятра Парашэнкі? Якіх наступстваў для беларуска-ўкраінскіх адносін варта чакаць у выніку апублікавання гэтага запісу? На гэтыя ды іншыя пытанні адказвае ўкраінскі палітолаг і кіраўнік Інстытута сусветнай палітыкі Яўген Магда.