З 57 дэпутатаў Мінгарсавета дэлегатамі на Усебеларускі народны сход “абралі” 55 чалавек. Дзіўным чынам пазбаўленымі права спрычыніцца да ўдзелу ў “гістарычнай падзеі” аказаліся менавітыя тыя два дэпутаты, якія заклікалі калег выказацца супраць гвалту з боку “сілавікоў” і выходзілі на мірныя акцыі з плакатам “Дэпутаты з народам”, — Вольга Цесакова і Павел Бачарнікаў. Як праходзіла “абранне” дэлегатаў на Усебеларускі сход і па чыёй ініцыятыве неабранымі сталіся Цесакова і Бачарнікаў? Ці правільна ўносіць дэлегатаў сходу ў санкцыйныя спісы? Ці правільна пачынаць “Год народнага адзінства” Усебеларускім сходам? На гэтыя ды іншыя пытанні адказвае дэпутатка Мінгарсавета Вольга Цесакова.