Ад пачатку пратэстаў у Беларусі былая вакалістка “Верасоў” Анжаліка Агурбаш амаль штодня прыходзіць да амбасады Беларусі ў Маскве. Прыходзіць з бел-чырвона-белым сцягам у руках. Гэтага дастаткова, каб зразумець, салідарнасць з кім выказвае спявачка і супраць чаго пратэстуе. Ну а 100-метровы бел-чырвона-белы сцяг, які Анжаліка пашыла сама, увогуле каментароў не патрабуе. Што прымушае спявачку выходзіць на акцыі да беларускай амбасады? Як у расійскім грамадстве ставяцца да пратэстаў у Беларусі і ці ўздымае яна палітычныя тэмы падчас сваіх канцэртаў? Навошта пашыла вялізны бел-чырвона-белы сцяг і ці гатовая вярнуцца ў Беларусь? На гэтыя ды іншыя пытанні адказвае спявачка Анжаліка Агурбаш.