Спадзяванні апанентаў Лукашэнкі на тое, што Крэмль нейкім чынам умяшаецца ў сітуацыю, не апраўдаліся. Выглядае на тое, што ў Маскве вырашылі падтрымаць даўняга партнёра ў складанай сітуацыі. Пра гэта сведчыць не толькі выдадзены крэдыт, але і згода на прызначэнне старшынёй Белгазпрамбанка Ермаковай, а таксама крытыка пераносу з Беларусі хакейнага чэмпіянату. Ці сапраўды ў Маскве канчаткова вырашана зрабіць стаўку на Лукашэнку і чаго гэта можа каштаваць Беларусі? Ці скарыстаецца Расія пераносам ЧС па хакеі з Беларусі? Як вяртанне Навальнага паўплывае на цікавасць Масквы да “беларускага пытання”? На гэтыя ды іншыя пытанні адказвае палітолаг і эканаміст Дзмітрый Балкунец.