Ад пачатку акцый пратэсту звыш 30 тысяч беларусаў прайшлі праз затрыманні, суды, адміністрацыйныя арышты. Гэта сухая статыстыка, за якой — збіццё, гвалт і здзекі падчас затрымання, у аўтазаках і міліцэйскіх пастарунках, катаванні ў СІЗА і нечалавечыя ўмовы ўтрымання ў ізалятарах і турмах. Што стала псіхалагічнай траўмай шмат для каго з тых, хто праз гэта прайшоў. Ці можа чалавек сам справіцца з псіхалагічнай траўмай? Якія наступствы можа мець такая траўма? Ці ёсць спецыялісты, здольныя аказваць такую дапамогу? На гэтыя ды іншыя пытанні адказвае псіхатэрапеўтка, праваабаронца, кіраўніца ўкраінскай грамадскай арганізацыі “Фарпост” Алена Падалян.