Ужо не адзін год апазіцыя працуе над сваім варыянтам як Выбарчага кодэкса, так і Канстытуцыі. Засядала адмысловая працоўная група, законапректы пісалі і перапісвалі. Пэўны час нават былі спадзяванні, што прапанаваныя апазіцыяй змены таго ж Выбарчага кодэкса атрымаецца правесці праз Палату прадстаўнікоў з дапамогай Ганны Канапацкай. Не спрацавала. Але праца працягваецца і сёння. Навошта нам ужо сёння новыя Выбарчы кодэкс і Канстытуцыя? Чым альтэрнатыўны варыянт Выбарчага кодэкса адрозніваецца ад дзейнага? На гэтыя ды іншыя пытанні адказвае ўпаўнаважаны Святланы Ціханоўскай па рэфармаванні Канстытуцыі і Выбарчага кодэкса дырэктар цэнтра “Еўрапейскі дыялог” Анатоль Лябедзька.