Апублікаваны Ігарам Макарам запіс размовы, дзе абмяркоўваецца план забойства апанентаў беларускага рэжыму, нарабіў шмат шуму і ў самой Беларусі, і за яе межамі. Як мінімум для ўкраінскіх следчых па “справе Шарамета” там дакладна знайшлося шмат цікавага. Беларускі ж бок пайшоў іншай дарогай: апублікаваў свой “кампрамат” на Ігара Макара. Ці сапраўды Ігар Макар імкнуўся найперш зарабіць на продажы запісу пра планаванне забойства? Ці чаканым для яго стаў зліў такога кампрамату? Ці дапаможа апублікаваны ім запіс паставіць кропку ў “справе Шарамета”? На гэтыя ды іншыя пытанні адказвае былы баец антытэрарыстычнага спецпадраздзялення “Алмаз” МУС Беларусі і прадстаўнік ініцыятывы "Беларускі народны трыбунал" Ігар Макар.