Спадзяванні пэўнай часткі беларускага грамадства на “міратворчую” ролю кіраўніцтва Расіі ў вырашэнні “беларускага крызісу” канчаткова пахаваныя пратэстамі ў Расіі. Дакладней, рэакцыяй на гэтыя пратэсты расійскіх уладаў і сілавых структур — яна была аднолькавая з рэакцыяй іх беларускіх калег. Што для нас азначае падабенства праблем беларускага і расійскага грамадства? Ці будзе Крэмль у новых умовах патрабаваць ад Мінска выканання “сочынскіх дамоўленасцяў”? Якія перспектывы ў беларускага пратэсту на фоне ўзмацнення рэпрэсій? На гэтыя ды іншыя пытанні адказвае прафесар-псіхолаг Уладзімір Янчук.