Нягледзячы на відавочнае змяншэнне пратэставых акцый, узровень палітычнага напружання ў краіне толькі ўзрастае. Адзін бок ладзіць пераслед усіх нязгодных, паспешліва змяняе заканадаўства ў рэпрэсіўны бок і рыхтуецца да Усебеларускага народнага сходу. Другі бок займаецца арганізацыяй свайго “Сходу”, распрацоўвае варыянты змен Канстытуцыі і Выбарчага кодэксу, думае над Планам Перамогі. І абодва бакі чакаюць вясны. На чыім баку сёння ініцыятыва: улады ці яе апанентаў? Ці далучанае да Плана Перамогі беларускае грамадства і якім чынам? Ці не атрымаецца з гэтым Планам тое ж, што і з заклікам да ўсеагульнай забастоўкі? На гэтыя ды іншыя пытанні адказвае сустаршыня аргкамітэта па стварэнні партыі “Беларуская хрысціянская дэмакратыя”, сябра Каардынацыйнай рады Вольга Кавалькова.