Нягледзячы на ўзмацненне рэпрэсій, пратэставая актыўнасць не знікае. А ідэя ўладаў аб’явіць бел-чырвона-белы сцяг экстрымісцкім абурыла нават тых, для каго раней ён быў не больш як сімвалам пратэсту. Такое адчуванне, што і грамадства, і ўлада назапашваюць эмоцыі да веснавога супрацьстаяння. Ці атрымалася ў сілавікоў напалохаць беларускія рэгіёны? Ці рэальна напісаць “План Перамогі”, які гарантавана спрацуе, і хто гэта мусіць рабіць? На гэтыя ды іншыя пытанні адказвае кіраўніца Міжнароднага цэнтра грамадзянскіх ініцыятыў “Наш дом” Вольга Карач.