Вядомая беларуская спартсменка Аляксандра Герасіменя напісала адкрыты ліст Аляксандру Лукашэнку з нагоды шасці месяцаў ад пачатку пратэстаў у Беларусі. У якім заклікала Лукашэнку сказаць нарэшце тыя словы, якіх, піша Герасіменя, ад яго “чакае беларускі народ — “я сыходжу”. Чым сталі гэтыя шэсць месяцаў барацьбы для самой Аляксандры Герасімені? Ці чакае яна рэакцыі Лукашэнкі на свой ліст і якой? Чым сёння займаецца Беларускі фонд спартыўнай салідарнасці? На гэтыя ды іншыя пытанні адказвае трохразовая алімпійская прызёрка, чэмпіёнка Еўропы і свету, старшыня Беларускага фонду спартыўнай салідарнасці Аляксандра Герасіменя.