З розніцай у некалькі дзён з’явілася два цікавыя дакументы. Першай да беларусаў звярнулася Святлана Ціханоўская і нарэшце агучыла даўно анансаваны “План перамогі”. Той самы, які нейкім дзіўным чынам за два дні да гэтага трапіў у дзяржСМІ. А пазней, напярэдадні Усебеларускага сходу, нам нарэшце агучылі вынікі анансаванага Лукашэнкам “маштабнага сацапытання”. З маштабнымі, але чаканымі вынікамі. Да чаго больш падобны “План перамогі” Ціханоўскай — да рэальнага плана ці плана “адчапнога”? Ці спрацуе гэты план і на чыю карысць? Што не так з лічбамі “маштабнага даследавання”? На гэтыя ды іншыя пытанні адказвае палітолаг, доктар палітычных навук, дырэктар Інстытута палітычных даследаванняў “Палітычная сфера” Андрэй Казакевіч.