Год таму, раніцай 18 чэрвеня 2020-га, былі затрыманыя Віктар Бабарыка і яго сын Эдуард. Увечары таго дня жыхары Мінска ўпершыню выйшлі на масавую акцыю пратэсту. Ланцуг салідарнасці з затрыманымі палітыкамі расцягнуўся ад Плошчы Якуба Коласа, дзе праходзіў апошні дазволены пікет па зборы подпісаў, да чыгуначнага вакзала. Амаль на 4 км. Роўна год Віктар і Эдуард Бабарыкі правялі за кратамі. За што? Улады шмат разоў спрабавалі патлумачыць. Але абарона Віктара Бабарыкі настойвае: ніякага ўцямна сфармуляванага абвінавачвання ў матэрыялах справы няма. Суд над Эдуардам Бабарыкам дагэтуль не пачаўся. Як затрыманне Бабарыкаў змяніла Беларусь? Што было б, калі б 18 чэрвеня 2020-га палітыкі засталіся на волі? А калі б Віктару і Эдуарду Бабарыкам дазволілі выехаць з Беларусі? Абмяркоўваем гэта з прадстаўніком выбарчага штаба Віктара Бабарыкі, сябрам Асноўнага складу Каардынацыйнай рады Максам Баграцовым і прэс-сакратаром штаба Бабарыкі Глебам Германчуком. ТГ: https://t.me/euroradio FB: https://www.facebook.com/euroradio.fm/ ВК: https://vk.com/euroradio ОК: https://ok.ru/euroradio Instagram: https://instagram.com/euroradio