І да падзеяў 2020 года ў дачыненні да Украіны беларускі рэжым карыстаўся палітыкай “падвойных стандартаў”: спакойна гандляваў з паўднёвым суседам на сотні мільёнаў долараў і адначасова абвінавачваў у розных антыбеларускіх захадах. Тут былі і зброя, што цячэ ракой з Украіны, і прарыў мяжы джыпам, і базы па падрыхтоўцы баявікоў, і шпіёнскія скандалы. Пасля жніўня 2020 года Украіна ў вачах беларускага рэжыму ператварылася ў аднаго з галоўных ворагаў нашай дзяржавы. Ці падцвержаныя абвінавачанні ў бок Украіны рэальнымі фактамі і доказамі? Навошта Лукашэнка ставарае з Украіны вобраз ворага і як да гэтага ставяцца ўкраінцы? Што агульнага ў антыўкраінскіх заявах Лукашэнкі і расійскай прапаганды? Пра гэта ды шмат што іншае размаўляем з дырэктаркай па даследаваннях міжнароднай бяспекі Еўрапейскай экспертнай асацыяцыі і эксперткай iSANS Марыяй Аўдзеевай. 02:15 Украіна — новы вораг беларускай прапаганды? Лукашэнка страціў інфармацыйны суверэнітэт 04:10 Беларускія страшылкі ў адрас Украіны — гэта мясцовае вынаходніцтва ці Масква папрацавала? 08:15 Ці пойдзе Лукашэнка на тое, каб прызнаць Крым расійскім? 00:25 Радыкалізацыя стасункаў з Украінай: выгада для Расіі 16:40 Пагроза ваеннага канфлікту з Украінай. Магчымыя правакацыі на мяжы 18:50 Пагрозы спыніць пастаўкі паліва. Чаму Украіна не займаецца дыверсіфікацыяй паставак 21:50 Допыт Пратасевіча прадстаўнікамі так званай "ЛНР". Чые гэта гульні? 26:00 Чаму Зяленскі да гэтага часу не сустрэўся з Ціханоўскай 28:20 Абвінавачванні ў адрас Украіны ў дэстабілізацыі сітуацыі ў Беларусі 33:00 Адмова ад нейтральнага статусу ў дачыненнях да з Украінай: чаго чакаць далей ТГ: https://t.me/euroradio FB: https://www.facebook.com/euroradio.fm/ ВК: https://vk.com/euroradio ОК: https://ok.ru/euroradio Instagram: https://instagram.com/euroradio