Грыгорый Азаронак і іншыя дзаржаўныя прапагандысты наляцелі на еўрапейскую дыпламатку. Прэтэнзіі да яе былі самыя розныя: ад "сваёй прысутнасцю вы цісніце на суд" да "чаго вы сюды прыйшлі, вы ж ведалі, што вас не пусцяць" (нагадаем, пасяджэнне адкрытае). Дыпламатка кажа, што гатовая адказаць на ўсе пытанні, калі журналісты прыйдуць да яе ў прадстаўніцтва. Але прапагандысты лічаць, што нежаданне даваць каментар тут і цяпер — гэта абмежаванне свабоды слова і свабоды прэсы. Як ветлівае запрашэнне адказаць на пытанні ў амбасадзе ператвараецца ў абмежаванне свабоды слова? Тлумачэнне засталося ў галаве ў Азаронка. Дарэчы, на пасяджэнне дыпламатку такі не пусцілі.