Зміцер Галко — журналіст са складанай біяграфіяй. Праца на незалежныя СМІ ў Беларусі, уцёкі ва Украіну, затрыманне на мяжы падчас спробы вярнуцца… 5 дзён таму Галко атрымаў 4 гады “хіміі” за збіццё міліцыянта, які прыйшоў па выкліку суседзяў на дзень нараджэння яго непаўнагадовага сына. Зміцер Галко мае час на абскарджанне прысуду, таму зараз знаходзіцца на волі. Еўрарадыё, карыстаючыся момантам, запрасіла журналіста ў жывы эфір. Бо калі мы зможам так жа свабодна паразмаўляць з ім у наступны раз?