Правы чалавека заўсёды застаюцца актуальным пытаннем для грамадства, і Беларусь — не выключэнне. Маладой, але актыўнай праваабарончай арганізацыі “Human Constanta” сёлета спаўняецца два гады. І калі пачыналася праца з місіі дапамогі бежанцам у Брэсце ў верасні 2016 года, то цяпер праваабаронцы значна пашырылі сваю дзейнасць. Напрыклад, яны прасоўваюць ідэю антыдыскрымінацыі і займаюцца правамі чалавека ў сучасным інфармацыйным грамадстве. Пра складанасць праваабарончай працы ў нашай краіне, канкурэнцыю з іншымі ініцыятывамі і пра тое, як дапамагчы беларусам абараняць свае правы, размаўляем а 16.05 у жывым эфіры Еўрарадыё з юрыстамі-праваабаронцамі Аляксеем Казлюком і Настай Лойкай.