Па словах памочніка дзяржсакратара ЗША Уэса Мітчэла, беларускі суверэнітэт з’яўляецца “самым надзейным бастыёнам супраць расійскага неаімперыялізму”. У сваю чаргу, пасол Расіі ў Беларусі Міхаіл Бабіч заявіў, што напад на Беларусь будзе расцэнены Масквой “як напад на Расію з усімі наступствамі”. Чаму ЗША і Расія нечакана ўстурбаваліся тэрытарыяльнай цэласнасцю Беларусі? Чаго больш у такой сітуацыі: небяспекі ці спакою для нацыянальнага суверэнітэту Беларусі? На гэтыя ды іншыя пытанні ў жывым эфіры Еўрарадыё адкажуць намеснік старшыні партыі "Беларускі народны фронт" Аляксей Янукевіч і намеснік старшыні Ліберальна-дэмакратычнай партыі Беларусі Алег Гайдукевіч.