Другая сусветная вайна пачалася для беларусаў не ў 1941 годзе, як сцвярджаюць афіцыйныя гісторыкі, а ў верасні 1939 года. Гісторык Ігар Мельнікаў падрыхтаваў да выдання кнігу, “Другая сусветная вайна на здымках з архіва Ігара Мельнікава”, у якой гэты гістарычны факт падмацоўваецца доказамі. Чаму да гэтага часу ў савецкай і беларускай гістарыяграфіі, а таксама ў грамадскай свядомасці падтрымліваецца меркаванне пра тое, што Другая сусветная вайна пачалася для Беларусі ў чэрвені 1941 года? Ці праўда, што да 1941 года жыхары БССР жылі мірным жыццём, не ведалі, што такое бамбёжкі, голад і разбурэнні? Навошта сёння разбураць стэрэатыпы пра падзеі той вайны? Як дзяржава ставіцца да такой “разбуральнай” дзейнасці? На гэтыя ды іншыя пытанні ў жывым эфіры Еўрарадыё адкажа гісторык Ігар Мельнікаў. Слухайце размову з Ігарам Мельнікавым у 13.05 пасля выпуску навін.