14 кастрычніка іерэй Свята-Міхайлаўскага праваслаўнага прыхода ў мінскім Сухараве Аляксандр Шрамко раскрытыкаваў паводзіны патрыярха: Кірыл праігнараваў вернікаў, якія некалькі гадзін чакалі яго ля царквы. Ужо 16 кастрычніка айцец Аляксандр атрымаў афіцыйную паперу аб забароне служэння. За "парушэнне іерэйскай прысягі, клятвапарушэнне і сістэматычныя публікацыі ў СМІ паведамленняў, якія зневажаюць праваслаўную царкву і сеюць у сэрцах людзей варожасць і нянавісць". Ці была ў яго допісе абраза патрыярха Кірыла і парушэнне іерэйскай прысягі? Ці згодны ён з рашэннем кіраўніцтва БПЦ наконт свайго адлучэння на год ад служэння? Ці падтрымалі іерэя вернікі Свята-Міхайлаўскага праваслаўнага прыхода? Як ён успрыняў забарону насіць крыж? На гэтыя ды іншыя пытанні ў жывым эфіры Еўрарадыё адкажа іерэй Аляксандр Шрамко.