Алесь Сапега 23 студзеня вылецеў з Мінска ў Казахстан — каб перавезці на радзіму для перазахавання парэшткі вядомага беларускага літаратара Змітрака Бядулі. Апроч таго, па вяртанні ў Мінск кіраўнік Фонду імя Марыі Магдалены Радзівіл зоймецца канчатковымі прыгатаваннямі да ўрачыстага адкрыцця дошкі Васілю Быкаву. Пра важнасць вяртання беларусам іх гістарычнай і культурнай спадчыны мы і разважаем у чарговым выпуску "Ідэі Х" з Алесем Сапегам.