Беларуская нацыянальная ідэя — якая яна і ці ёсць яна ўвогуле? На працягу двух гадоў вядоўцы праграмы “Ідэя Х” Зміцер Лукашук і Максім Гаруноў шукалі адказы на гэтыя пытанні разам з гасцямі ў студыі Еўрарадыё. Вынікам стала кніга “Беларуская нацыянальная ідэя”. У якой сабраныя 85 інтэрв’ю з лідарамі меркаванняў — ад першых кіраўнікоў Беларусі да сучасных блогераў. Пра тое, як нарадзілася праграма і чаму вырашылі сабраць размовы ў кнігу, у чым важнасць такіх пошукаў расказваюць кіраўнік крамы Symbal.by і прадстаўнік грамадскай кампаніі “Годна” Павел Белавус і вядучыя праграмы “Ідэя Х” і аўтары кнігі “Беларуская нацыянальная ідэя” Зміцер Лукашук і Максім Гаруноў.