Беларускае грамадства змяняецца, і змены гэтыя незваротныя. Як нельга вярнуцца ў сярэднявечча, так нельга ўжо беларусаў прымусіць жыць так, як яны жылі апошнія гады. І ўсё будзе ў нас па-іншаму. Праўда, невядома, колькі яшчэ давядзецца чакаць, пакутаваць і колькі будзе ахвяр, пакуль супрацьстаянне мінуўшчыны і будучыні скончыцца. А для будаўніцтва новай Беларусі ў нас усё ёсць: мова, гісторыя, культура. Нам толькі трэба навучыцца напоўніцу гэтым усім карыстацца, перакананая Наста Кудасава. Пра тое, як зрабіць гэтыя змены беларускага грамадства незваротнымі, і пра ролю і месца ў гэтых зменах дзеячаў культуры, мы і разважаем у чарговым выпуску "Ідэі Х" з Настай Кудасавай.