Беларускія музыкі, спевакі і акцёры стварылі міні-оперу, у якой распавялі пра перажытыя за апошні год эмоцыі. Эмацыйная опера па-за гульнёй "Corporis Exercitia" — вынік двухтыднёвай музычна-тэатральнай арт-тэрапеўтычнай рэзідэнцыі, якую заснаваў Сяржук Доўгушаў. "Усё жыве асобна: рукі, ногі, сэрца, думкі, жывот. Прырода і музыка — гэта апора і аснова. Мы моцныя без зброі. Мы змагаемся не маўчаннем, а дзеяннямі і голасам", — кажуць пра твор яго стваральнікі. Эмацыйная опера — гэта 19 чалавек, якія былі вымушаныя пакінуць Беларусь: 5 музыкаў, 2 оперныя спевакі, 10 прафесійных акцёраў і аматараў. Гэта дыялог паміж сабой, сваімі пачуццямі і пытаннем: што нам засталося, каб адчуваць? Аўтар музыкі — Вольга Падгайская. Аўтар лібрэта — Юра Дзівакоў.