Старшыня канцэрна “Беллегпрам” Таццяна Лунгіна заявіла, што гандаль сэканд-хэндам у краіне патрабуе “дадатковага рэгулявання”. На думку чыноўніцы, якая зусім нядаўна ўзначальвала пінскае “Палессе”, неабходна разабрацца з тым, што рэальна ўваходзіць у “падкатэгорыю сэканд-хэнд”, на якіх умовах гэтыя тавары трапляюць у Беларусь і якімі пошлінамі абкладаюцца. У чым сапраўдная цікавасць кіраўніцы "Беллегпрама" да сэканд-хэнду? Ці толькі ў наяўнасці на беларускім рынку вялікай колькасці крам, што гандлююць такім таварам, прычына цяжкасцяў, што перажываюць прадпрыемствы канцэрна? Ці можна імкненне “рэгуляваць” гандаль сэканд-хэндам лічыць чарговым наступам дзяржавы на індывідуальных прадпрымальнікаў? На гэтыя ды іншыя пытанні ў жывым эфіры Еўрарадыё адкажа кіраўнік рэспубліканскага грамадскага аб’яднання “Перспектыва” Анатоль Шумчанка. Падпісвайцеся на нас у сацсетках: Афіцыйны telegram — https://t.me/euroradio Нефармальны канал — https://t.me/euroradiofm Facebook — https://www.facebook.com/euroradio.fm Twitter — https://www.twitter.com/euroradio Vkontake — https://www.vk.com/euroradio Одноклассники — https://www.ok.ru/euroradio Instagram — https://www.instagram.com/euroradio