17 красавіка, напярэдадні выступу Аляксандра Лукашэнкі з Пасланнем да народа і парламента, Анатоль Лябедзька апублікаваў відэазварот да кіраўніка Беларусі. Палітык заклікаў Аляксандра Лукашэнку прыйсці ў студыю любога незалежнага СМІ і адказаць у жывым эфіры на 25 самых надзённых пытанняў. І папярэдзіў, што даць адказ Лукашэнка павінен цягам 24 гадзін. З моманту з’яўлення відэазвароту Лябедзькі мінуў месяц. Лукашэнка ніякім чынам не адрэагаваў на ўльтыматум экс-старшыні Аб’яднанай грамадзянскай партыі. Затое адрэагаваў драматург Андрэй Курэйчык. “Апазіцыя спяклася”, – робіць выснову Курэйчык у сваім відэаблогу. Ці атрымаў Анатоль Лябедзька чаканы вынік ад свайго звароту і ў чым ён? Ці магчыма ўвогуле нейкім чынам дамагчыся ад Аляксандра Лукашэнкі адказаў на вострыя пытанні? Ці мае рацыю Андрэй Курэйчык, калі робіць выснову, што “апазіцыя спяклася”?