У сакавіку на Еўрарадыё выйшаў праект з гісторыямі бацькаў, якія пайшлі ў адпачынак па доглядзе дзіцяці. Героі матэрыялу распавялі, як змянілася іх жыццё пасля таго, як асноўная нагрузка па хатняй працы і выхаванні дзяцей легла на іх. Эканаміст Леў Львоўскі і спецыялістка па гендарнай роўнасці Ірына Альхоўка падзяліліся экспертнымі думкамі на тэму, ці гатовае беларускае грамадства да таго, каб у адпачынак па доглядзе дзіцяці ішлі і мужчыны, і жанчыны. Госць Еўрарадыё Яўген Карнеявец пайшоў у дэкрэт нядаўна і тут жа сутыкнуўся з дыскрымінацыяй. "Згодна з заканадаўствам, усе члены сям'і могуць знаходзіцца ў дэкрэце і паралельна працаваць: мама, бабуля, дзядуля, кот, сабака, сусед. Але не бацька! Бацьку грошы не патрэбныя. І галоўнае, што гэта — закон", — абураецца Яўген. Чаму мужчына не можа падпрацоўваць, знаходзячыся ў дэкрэце? Як ФСАН адмаўляў бацьку ў выплаце дапамогі па доглядзе дзіцяці? Ці атрымалася дамагчыся справядлівасці? Падпісвайцеся на нас у сацсетках: Афіцыйны telegram — https://t.me/euroradio Нефармальны канал — https://t.me/euroradiofm Facebook — https://www.facebook.com/euroradio.fm Twitter — https://www.twitter.com/euroradio Vkontake — https://www.vk.com/euroradio Одноклассники — https://www.ok.ru/euroradio Instagram — https://www.instagram.com/euroradio