Сёлетняя выбарчая кампанія ў Беларусі мае цікавы і досыць нечаканы паварот: і кіраўнік краіны, і дзяржаўныя СМІ ў адзін голас сцвярджаюць пра “расійскі след”, “расійскіх кандыдатаў”, “расійскі ўплыў” і “грошы расійскіх алігархаў” на беларускіх выбарах. Фактычна распачалася сапраўдная інфармацыйная кампанія па выяўленні “ўплыву Крамля” і ўмяшання ўсходняга суседа ва ўнутраныя палітычныя справы суверэннай Беларусі і супрацьстаянні ім. Ці сапраўды Расія імкнецца ўплываць на палітычныя працэсы ў суседніх краінах і навошта ёй гэта трэба? Якія краіны найперш становяцца ахвярамі дэзынфармацыйных аперацый Крамля? Як такім аперацыям уплыву супрацьстаяць і якія пагрозы яны нясуць? На гэтыя ды іншыя пытанні ў жывым эфіры Еўрарадыё адказвае эксперт iSANS, дырэктар па даследаваннях міжнароднай бяспекі Еўрапейскай экспертнай асацыяцыі Марыя Аўдзеева.