28 кастрычніка ў эфіры Еўрарадыё — фатограф Андрэй Лянкевіч. Фармаванне беларускай нацыі адбываецца проста сёння, на нашых вачах. Але фармуецца нацыя не паводле тых “састарэлых прынцыпаў”, якія стагоддзі таму былі вызначальнымі ў фармаванні іншых нацый, — мова, культура, гісторыя, традыцыі і гэтак далей. Беларуская нацыя фармуецца на падмурку сучасных ідэалаў: свабоды, узаемадапамогі, адказнасці за свае рашэнні, дэмакратычных каштоўнасцяў, перакананы Андрэй Лянкевіч. Што праўда, дадае ён, калі гэты першы этап фармавання нацыі скончыцца, мы ўсё адно вернемся да неабходнасці “прышчэпкі” беларускаму грамадству тых “састарэлых” прынцыпаў. Бо без мовы, культуры, гісторыі нацыя існаваць не можа. Пра тое, ці магчыма сфармаваць нацыю без “састарэлых прынцыпаў нацыянальнага падмурку”, чаму сёння на пытаннях мовы ды гісторыі не трэба акцэнтаваць увагу і чаму ў будучыні мы ўсё адно мусім вярнуцца да “нацыянальных каранёў”, мы і разважаем у праграме “Ідэя Х” з Андрэем Лянкевічам. ТГ: https://t.me/euroradio FB: https://www.facebook.com/euroradio.fm/ ВК: https://vk.com/euroradio ОК: https://ok.ru/euroradio Instagram: https://instagram.com/euroradio #Беларусь #ІдэяХ #АндрэйЛянкевіч