Галоўнай нечаканасцю 11 жніўня стаў выезд у Літву кандыдаткі ў прэзідэнты Святланы Ціханоўскай. І з’яўленне двух відэа з яе ўдзелам. У адным Святлана тлумачыць прычыны свайго ад’езду, у другім — заклікае людзей не выходзіць на акцыі пратэсту і не правакаваць сілавікоў. Ці быў гэты ад’езд Святланы Ціханоўскай загадзя падрыхтаваным? Ці можна яе ўчынак успрымаць як здраду тым, хто за ёй пайшоў? Як сёлетняя выбарчая кампанія змяніла беларусаў і ці незваротныя гэтыя змены? На гэтыя ды іншыя пытанні ў жывым эфіры Еўрарадыё адказвае Вольга Кавалькова, давераная асоба кандыдаткі ў прэзідэнты Святланы Ціханоўскай.