29 жніўня падчас вялікага жаночага маршу на плошчы Перамогі быў затрыманы доктар-анестэзіёлаг-рэаніматолаг 1-й мінскай гарадской клінічнай бальніцы Ігар Таболіч. Пасля таго як сілавікі правялі хлопца да машыны без нумароў, сваякі на працягу пяці гадзін спрабавалі высветліць яго месцазнаходжанне. Доктар знайшоўся ў ізалятары на завулку Акрэсціна. А 31 жніўня яго судзілі: рашэнне суда — 675 рублёў штрафу. У 16.00 у эфіры Еўрарадыё Ігар раскажа, чаму ён вырашыў выйсці на марш, За што яго ўсё ж затрымалі і пра тое, як цяпер ідуць справы з каранавірусам у Беларусі.