Днямі выкладчык БДУ Павел Баркоўскі звольніўся з працы. Не таму, што знайшоў лепшае месца, а ў знак пратэсту. Такім чынам кандыдат філасофскіх навук выказаў сваё стаўленне да таго, што адбываецца ў краіне і ў прыватнасці — у вышэйшых навучальных установах. Чаму менавіта звальненне было абранае як адзіна магчымы сродак выказаць сваю пазіцыю? Ці не лепш было прамаўчаць дзеля сваіх студэнтаў? Якога выніку чакае ад свайго ўчынку? На гэтыя ды іншыя пытанні ў жывым эфіры Еўрарадыё адказвае кандыдат філасофскіх навук, былы дацэнт кафедры філасофіі культуры БДУ Павел Баркоўскі.