Фестываль “Рок за жыццё. Музыкі за ўвядзенне мараторыя на смяротнае пакаранне” сёлета праходзіць у анлайн-фармаце ў Міжнародны дзень супраць смяротнага пакарання. На адной сцэне сабраліся топавыя беларускія гурты і выканаўцы: NIZKIZ, Дай Дарогу!, Петля Пристрастия, Лера Яскевіч, Уладзімір Пугач, Tor Band і Разбітае Сэрца Пацана. У госці на канцэрт завіталі Алесь Бяляцкі, Валянцін Стэфановіч, Андрэй Палуда, Аляксандра Герасіменя, а свае вітанні даслалі амбасадары розных краін. Фестываль “Рок за жыццё” адбываецца ўжо ў пяты раз у межах Тыдня супраць смяротнага пакарання ў Беларусі, які сёлета праходзіць пад слоганам Смяротнае пакаранне — элемент сістэмы гвалту.