Нягледзячы на каранавірус і вулічныя пратэсты, кінафестываль “Лістапад” усё ж пройдзе ў Мінску з 6 да 13 лістапада. Гледачоў чакаюць 120 фільмаў з 50 краін свету: ігравыя, дакументальныя, анімацыя. Чаму ў “Лістападзе” не будзе ўдзельнічаць “нацыянальны блокбастар” — фільм “Купала”? Што ўвогуле здымалі беларусы апошнім часам? Ці варта чакаць фільмаў пра пратэсты на фэсце 2021 года? На гэтыя і іншыя пытанні Еўрарадыё адказваюць дырэктар праграм ігравога кіно “Лістапада” Ігар Сукманаў і каардынатар нацыянальнага конкурсу Мікалай Лаўранюк.