У 16:05 у жывым эфіры Еўрарадыё Кірыл Стаселька раскажа, чаму мы мусім ахвяраваць на яго кнігу “Дзевяць жыццяў Віта Морэ”. У пісьменнікаў ёсць вялікая праблема: з чаго жыць, пакуль раман яшчэ не выдадзены, і яго не разбіраюць з палічак кніжных крамаў, як гарачыя піражкі? Кожны вырашае гэтую праблему па-рознаму. Кірыл Стаселька, аўтар кніг “Дзіцячы маніфест” і “Marginalis”, для таго, каб выдаць свой трэці раман “Дзевяць жыццяў Віта Морэ”, вырашыў распачаць краўдфандынгавую кампанію на сайце “Талака”.