Тэхналогія "поўнага купала" нечым падобная да IMAX. Але ў адрозненне ад IMAX, экран нашмат большы, ён размяшчаецца зверху і ззаду ад гледача. Фактычна ён займае 360 градусаў! Цяпер у Беларусі ёсць толькі адно месца, дзе можна пабачыць “поўнакупальныя” фільмы. Гэта мінскі Планетарый. Але там устаноўленыя старыя праектары, якія даўно вычарпалі свой рэсурс. Аляксандр Мікуліч прапануе ўсталяваць у Планетарыі 4 новыя праектара FullHD. Для гэтага распачатая краўдфандынг-кампанія на сайце Talaka.org — трэба сабраць 12,3 тысячы рублёў.