Сёння роўна 100 гадоў ад той падзеі, якая ўвайшла ў нашу гісторыю пад назвай “Слуцкі збройны чын”. Адразу ўзнікае пытанне: чаму яе завуць чынам? У слоўніках ёсць слова “паўстанне”, а “чын” там значыць зусім іншае. Аднак гэта слова ўжываюць не выпадкова. У 1993 годзе часопіс “Спадчына” надрукаваў артыкул прафесара А. Грыцкевіча пад назвай “Слуцкае паўстанне 1920 г. — збройны чын у барацьбе за незалежнасць Беларусі”. Вось адкуль узялося тое слова. Што ж адбывалася на Случчыне ў лістападзе і снежні 1920 года?