У студзені 1573 года ўдзельнікі Варшаўскай канфедэрацыі вырашылі абараніць рэлігійныя вольнасці ў Рэчы Паспалітай. 28 студзеня яны прынялі Акт, у якім — апроч усяго іншага — абавязаліся быць узаемна талерантнымі, захоўваць талерантнасць у наступных пакаленнях, быць салідарнымі ў барацьбе за свабоду веры пры любым урадзе, які пераследаваў бы любую канфесію. Пра падзею, якая заклала моцны падмурак у справу забеспячэння свабоды веравызнання і вызначыла асновы рэлігійнай памяркоўнасці шляхты і ўсіх вольных людзей у Рэчы Паспалітай — у новым выпуску "Дата генератара" з пісьменнікам Анатолем Тарасам.