Як рэпрэсіі і вайна адбіліся на ментальным здароўі пацярпелых? Наколькі параўнальныя траўмы ад вайны і рэпрэсій? Чаму многія ўкраінцы застаюцца дома, нягледзячы на абстрэлы? Як змянілася псіхіка беларусаў за апошнія два гады? Як можна акрэсліць агульны псіхалагічны стан жыхароў рэгіёна? Як беларусам і ўкраінцам спраўляцца з узаемнай крыўдай? Як доўга абедзвюм нацыям давядзецца ісці да псіхалагічнага здароўя? Пра гэта ды іншае ў жывым эфіры Еўрарадыё ў 14:00 мы пагутарым са стваральніцай праекта Надзеяй Дамкоўскай і эксперткай WEMAYHELP Алінай Бычковай. Спасылка на праект — https://hmuworld.com/WEMAYHELP2 У сакавіку беларускі і ўкраінкі, якія вымушаныя былі пакінуць Украіну праз вайну, запусцілі валанцёрскі праект ментальнай дапамогі пацярпелым ад вайны і рэпрэсій. За 7 месяцаў да праекту далучалыся больш за 70 экспертаў у галіне псіхалогіі, коўчынгу і цялесна-арыентаваных практык, якія дапамаглі больш чым 300 асобам з Беларусі, Украіны і Расіі. Сёння WEMAYHELP 2.0 — міжнародная валанцёрская арганізацыя з магчымасцю дапамагаць 24/7 у любым пункце свету. Спецыялісты і валанцёры з 12 розных краін бясплатна і канфідэнцыйна дапамагаюць анлайн тым, хто гатовы прыняць дапамогу. "Аднаўляем мір у душы, каб распаўсюдзіць яго на Зямлі", — такі слоган праекта. Цяпер заснавальнікі WEMAYHELP 2.0 ідуць далей і ствараюць фонд, прысвечаны абароне ментальнага здароўя ў Еўропе, які аб'яднае аўдыторыі, пацярпелыя ад сацыяльных узрушэнняў у рэгіёне. Падпісвайцеся на нашы сацсеткі: 💎 ТГ: https://t.me/euroradio 💎 FB: https://www.facebook.com/euroradio.fm 💎 TikTok: https://www.tiktok.com/@euroradio 💎 ВК: https://vk.com/euroradio 💎 ОК: https://ok.ru/euroradio 💎 Instagram: https://instagram.com/euroradio