Песня запісаная ў гонар атрымання Тутэйшай Шляхтай у 2021 годзе ганаровага звання лепшага народнага фальклорнага ансамбля сталіцы. Менавіта гэты твор 20 гадоў таму дапамог ансамблю ўпершыню стаць народным, а сёння мы прэзэнтуем песню ў новай апрацоўцы. Песня: народная Апрацоўка: Лявон Махнач / Вольга Махнач Ударныя: Андрэй Маўрын Хор (злева-направа): - Павел Пенязь - Іна Емельянава - Валянціна Захарыч - Марыя Копцель-Сцяпура - Андрэй Сцяпанаў - Ганна Суворава - Дзяніс Сцяпура - Вольга Махнач - Анастасія Сенько Мантаж кліпа: Дзяніс Сцяпура Запіс: Дзмітрый Ярмола ©Yarmola Studio Звядзенне, мастэрынг: Алег Даманчук Словы: Пад дубам-дубочкам ячмень малачу Павышэй дубочка саломка ляціць Каля таго дуба рэчанька бяжыць А па той ды рэчцы чаўночак плыве А ў тым чаўночку маладзец сядзіць Чэшыць ён кудзёркі рыбім грабянём Пускаець пачоскі на быстру раку Хай плывець з вадою к яе берагу Ды спытаець мілу, як прыдзе к вадзе Ці баліць ёй сэрца па ім, маладзе Калі яна тужыць — кудзёркі чарпнець А калі ня тужыць — далей адпіхнець Няхай па ім тужыць агонь ды вада Не я па ім тужыць буду, малада Часаў жа ты трэскі з маіх белых плеч Віваў ты вяроўкі з маіх русых кос Віваў ты вяроўкі з маіх русых кос Пускаў ручаёчкі маіх дробных слёз Ой, ня ждаў я праўды ад цябе такой Часаў жа я трэскі з бярозкі сухой Віваў я вяроўкі з мачонай пянькі Пускаў ручаёчкі з быстрае ракі