Не прайсці міма. Святар і левіт прайшлі міма пабітага і абрабванага чалавека, кажа Хрыстос у прыпавесці пра Добрага самараніна. (Лк 10, 25-37). Можна казаць палымяныя пропаведзі ў храмах і не заўважаць тысячы скатаваных людзей у беларускіх турмах. Можна звацца міралюбівай нацыяй і не бачыць ракет, якія запускае армія агрэсара па суседняй краіне з тэрыторыі той самай міралюбівай нацыі. Можна будаваць грандыёзныя планы на сустрэчы з моцнымі гэтага свету з надзеяй пераканаць іх спыніць вайну і не чуць галасы тых, хто ад той вайны церпіць, ды ўжо даўно, і пытаецца: "як спыніць вайну?" Можна ісці побач з пабітым чалавекам, але так і прайсці міма. І ніколі не стаць яму бліжнім. А можна быць зусім чужым, іншым па крыві ды веры, але стаць найбліжэйшым у свеце, як добры самаранін. Можна быць беларусам, католікам, праваслаўным ці атэістам, але стаць найбліжэйшым для ўкраінцаў. Проста становішся на лініі фронту паміж агрэсарам і ахвярай. І куля якая ляціць ад агрэсара, трапляе ў цябе, а не ў тых, хто ёсць за тваімі плячыма, бо ты найбліжэйшы. Усё да болю проста. Тыя, хто маюць любоў у сэрцы, заўважаюць скатаваных,  адрозніваюць ахвяру ад агрэсара, сустракаюцца з малымі гэтага свету, а не жывуць у падманлівых мроях аб тым, якімі стануць героямі, калі сустрэнуцца з моцнымі.  Бліжні не адпраўляецца на пошукі рабаўніка для перамоваў, бліжні дзеліць лёс пакрыўджанага. Ці камусьці блізкае гэта слова? Калі так, то Госпад кажа: "Гэта слова блізкае да цябе, каб ты мог выконваць яго" ( Дрг 30, 14) 💢💢💢 Таксама глядзі👍Свабода - каштоўнасць якая вартая найвышэйшай цаны.👍 https://youtu.be/kgTdzvmdzmI👍 👍👍 на вокладцы праца мастака Уладзіміра Кандрусевіча. #нетвойне #беларусы #войнаукраина #божественнаялитургия #божьеслово @catholicby