Ерась Патрыярха! Ерась - свядомы адыход ад ісціннага вучэння. Хрысціянства з ерасямі, можна сказаць, сустракалася ад самага пачатку свайго заснавання. Хтосьці не прызнаваў Святой Тройцы, хтосьці не верыў, што Хрыстос сапраўдны чалавек, або не вызнаваў веру ў Яго сапраўдную боскасць. (👍https://youtu.be/_LxRlQPZ8YQ👍 Святая Тройца - не "трохадзіная святая Русь". Шавінізм ці ерась?) Сёння я хачу звярнуць увагу на ерась, якую афіцыйна прапаведуе РПЦ, апраўдваючы агрэсіўную вайну Расіі з Украінай. Трэба зазначыць, РКЦ Касцёл ад самага пачатку называў вайну агіднай. Хоць і не так адразу ўсе іерархі былі здольныя акрэсліць, хто ёсць агрэсарам у гэтай вайне, а хто ахвярай. Ды на жаль і сёння некаторыя, ацэньваючы сітуацыю ва Ўкраіне, кажуць перадусім  пра падзелы ў краіне, не заўважаючы прысутнага агрэсара і самой вайны. Аднак, ужо не пазней чым 17 сакавіка 2022 года, гэта пасля пару дзесяткаў дзён распачаўшайся паўнамаштабнай вайны, Міжнародная тэалагічная камісія ў Ватыкане выдала дакумент, якім унесла шмат яснасці. https://www.vaticannews.va/be/vatykan/news/2022-03/vatykan-teolahi-asudzajuc-rasijskuju-ahresiju-suprac-ukrainy.html Багасловы, разумеючы, што далёка не ўсе бачуць так ясна і пранікліва як яны самі, думаючы пра тых, хто апраўдвае вайну і пра тых, для каго не ўсё так адназначна, падкрэслілі, што ў Расіі ёсць тыя "... каму прамылі мазгі падманлівай прапагандай, распаўсюджанай медыямашынай іх краіны і ператворанай у інструмент злачыннай дзейнасьці іх лідара”. Безумоўна, для аб’ектыўнасці трэба зазначыць: прапагандай шмат каму прамылі мазгі таксама і ў Беларусі, і на Захадзе, а не толькі ў Расіі. У тым самым супольным дакуменце тэолагаў прагучаў заклік да рэлігійных лідараў у Расіі з заахвочваннем “выразна асудзіць несправядлівую і злачынную вайну і пакуты, якія іх дзяржава прынесла суседняй краіне і Еўропе”. Сам Пантыфік таксама за кожным разам падбірае усё мацнейшыя словы ўзгадваючы вайну. Так ён, даючы інтэрв’ю ў маі месяцы рэдактарам  езуіцкіх часопісаў, напачатку паразважаў пра розныя людзкія і тэалагічныя ерасі, называючы іх ідэямі, якія цалкам адарваныя ад жыцця. А пасля ўзгадаў 40-мінутную відэаразмову з патрыярхам Кірылам, што адбылася 16 сакавіка і канстатаваў, зацытую даслоўна  словы папы - "... ён зачытаў мне заяву, у якой даваў прычыны для апраўдання вайны. Калі ён скончыў, я ўмяшаўся і сказаў яму: «Брат, мы не дзяржаўныя клірыкі, мы пастыры народу»." Верагодна, на думку папы гэта і ёсць ерась, бо апраўданне вайны патрыярхам - гэта ідэя, якая адарваная ад чалавечай рэальнасці. Напачатку ў тым інтэрв’ю ён казаў пра ерась: "Гэта вар’яцкая ідэя. Яна звар’яцела ад страты чалавечага кораня." Бо паслухаўшы Кірыла, Папа праінфармаваў аб сваім рашэнні  - адмяніць спатканне з патрыярхам, якое было запланавана раней і мелася адбыцца ў чэрвені гэтага году ў Ерусаліме. Так бы мовіць, папа не асмеліўся сустракацца з ерэтыком. І калі маё адчытанне слоў папы можа быць вельмі суб’ектыўным, Папа не ўжываў ў адным сказе слоў ерась і патрыярх, то вось ватыканскі кардынал Курт Кох літаральна некалькі дзён таму ўнёс яснасці аб’ектыўнай. Ён ацаніў вельмі скептычна магчымасць другой сустрэчы папы і Патрыярха: «Гэта можа быць няправільна зразумета як падтрымка Святым Айцом пазіцыі Патрыярха, што сур’ёзна падарве яго маральны аўтарытэт». Прэфект Дыкастэрыі спрыяння хрысціянскаму адзінству сказаў гэта ў інтэрв'ю нямецкаму каталіцкаму штотыднёвіку Die Tagespost. Ён таксама вельмі рэзка раскрытыкаваў Маскоўскага патрыярха Кірыла. «Гэта ерась — ілжывая дактрына, што патрыярх адважваецца ўзаконіць жорсткую і абсурдную вайну ва Украіне з псеўдарэлігійных меркаванняў», — так пракаментаваў іерарх выказванні Патрыярха з таго ж ужо ўзгаданана відэаспаткання. Цяпер нам пазастаецца толькі дачакацца афіцыйнага сцвярджэння Касцёлам вучэння Патрыярха, як ерасі. Усё ж выказванні ў інтэрв’ю нават кардынала і самаго папы гэта яшчэ не ёсць афіцыйнае вучэнне ўсяго Касцёла  і не догма веры. Як бачым, такое агучванне афіцыйнай пазіцыі Касцёла адносна і ідэалогіі рускага міра, і апраўдання вайны неабходна, ў першую чаргу для таго, каб спыніць вайну. І, падаецца, для народу Божага гэта нават важней, чым сам візіт папы ў Маскву і спатканне з Пуціным або з Кірылам. Найперш павінна быць ясна абвешчана вучэнне Касцёла, а пасля ўжо хай сабе адбываюцца перагаворы і ўгаворы, так, як каму падабаецца. 👍Ці прыедзе Папа ў Беларусь? 👍 Глядзі тут... https://youtu.be/wH0OVP8zi9s #нетвойне #україна #палитика #ватикан #папа #христианство @Real_News_R.B