Прарокі - Божыя слугі. Іх не выбіралі людзі, але сам Бог прызначаў на служэнне.(пар. Дрг 18,15). Іх адзіным заданнем было казаць тое, што Госпад хацеў данесці свайму народу. У кнізе Другазаконня чытаем пра вызначаную Богам ролю прарока: “...ўкладу Мае словы ў вусны ягоныя, і ён будзе казаць ім усё, што Я загадаю яму…” (Дрг 18,17). Прарокі не з’яўляліся медыятарамі ў канфліктах паміж грэшнікамі і праведнікамі. Яны не былі мостам ва узаемазносінах людзей і Бога. Яны былі Божым голасам. Вельмі часта самотнымі голасамі ў пустыні... (Пар. Іс 40,3 , Мк 1,1-8) Прамаўлялі да народа нібы сумленне чалавека, якое заклікае кожнага не збочваць з правільнай дарогі. Але прарокі пачыналі гаварыць тады, калі сумленне ў людзей сціхала. І так, як сумленне пазбаўляе чалавека спакойнага жыцця ў той самы момант, калі ён становіцца на бок зла, так і прарокі ніколі не давалі спакойна жыць тым, да каго былі пасланыя. А таму прарокі ў вачах сваіх слухачоў станавіліся ненавіснымі ворагамі. Зрэшты, прарокі ведалі аб гэтым, бо Госпад папярэджваў, што з-за выканання місіі, супраць іх будуць ваяваць усе, але Ён абяцаў узмацніць сваіх слуг тады калі паставіць іх "...супраць усёй зямлі, супраць каралёў ..., супраць правадыроў іхніх, супраць святароў і народу гэтай зямлі." (Ер 1,18) У законе старога запавету Бог прадугледжваў забойства прарокаў, але ж толькі ілжывых. “Прарок жа, які асмеліцца сказаць у Маё імя тое, чаго Я не загадваў яму казаць, ці будзе прамаўляць у імя іншых багоў, павінен памерці.” (Дрг 18,20)  💢Не прапусці💢 https://youtu.be/dywhcf1mq3I💢 Рэцэпт на мір для Беларусі. | Вайна і #Украіна.|💢 За што ж народ забіваў прарокаў, якія былі Божымі?  Насамрэч слухачы ў віну прарокам нічога не маглі прад’явіць, апроч таго, што іх словы былі святлом, у якім кожны пачынаў бачыць сябе такім, якім ён ёсць.  Асабістая ж ненавісць да прарока залежала прамапрапарцыйна ад уласнай сапсаванасці. Чым далей чалавек быў Божага шляху, тым грамчэй гучала абвінавачванне ў бок прарока з яго вуснаў.  Вось таму і сам Хрыстос у родным Назарэце, ў якім пражыў 30 гадоў і жыхарам якога абсалютна не замінаў, сустрэўся з людзкой ненавісцю тады, калі ў сінагозе, чытаючы словы прарока Ісаі пра надыход Божага Валадарстава, сказаў: "Сёння споўніліся гэтыя словы Пісання" (Лк 4, 21). Менавіта з гэтай нагоды ўпершыню народ захацеў забіць Ісуса. (Лк 4, 29). Забіць толькі за тое, што Ісус убачыў Валадарства, якога іншыя не бачылі. Іншыя можа таксама бачылі але цьмяна, як праз шкло. Як піша Апостал Павел "бо цяпер мы бачым праз люстэрка, цьмяна" (1 Кар 4,12). Хрыстос жа бачыў яскрава. Такі ёсць прывілей прарокаў бачыць выразна. Магчыма гэта людзкая зайздрасць станавілася першапрычынай у забойстве прарокаў. Падобна і Ісуса, згодна з меркаваннем Пілата, на смерць выдалі з-за зайздрасці. (Пар. Мц 28,13). Але ж не існуе такіх прычын, якія маглі б спыніць прарокаў у прапаведванні. Прагадаю прыклад айца езуіта Альфрэда Дэльпа. Ён прапаведваў і загінуў у нацысцкай Германіі. Быў самотным голасам у абароне людзкога жыцця, выступаючы супраць дзяржаўных праграмаў забойстваў. Ён ратаваў габрэяў ды разам з аднадумцамі супольна будаваў планы і марыў  аб Германіі без Гітлера. Яго не спыніла не людзкая зайздрасць, не ізаляцыя, якая наканавана для тых, хто выходзіць па-за межы людзкіх масаў і аб чым ён узгадваў, пішучы з вязніцы.  Ён проста бачыў не праз шкло, а выразна і, вядомы Богам, адважна ішоў наперад. Перад смерцю, размінаючыся ў турме з пратэстанцкім пастырам, сказаў:  "Праз паўгадзіны я буду ведаць больш, чым вы”.  Ксёндз Альфрэд Дэльп быў забіты 30 студзеня 1944 г. Зусім крыху недачакаўся таго моманту, калі ўвесь свет, так як ён, убачыў зло таталітарнага дзяржаўнага фашызму, які ў Германіі меў форму нацызму. Загінуў, але выканаў місію прарока. Божа, дай Беларусі такога прарока, аб якім, кажа Пісанне: ”у вусны каторага будзе ўкладзена Тваё слова".(Дрг 18,18). Які прамовіць на хвалу Тваю і народ выразна ўбачыць зло беззаконня кожнай аўтарытарнай дзяржаўнай сістэмы, якая будуе ў разрыў з Праўдай Евангелля, зневажаючы чалавека і яго свабоду. 💢Глядзі 💢 https://youtu.be/pZCn58k9ssc 💢ці могуць Цэрквы служыць антыхрысту? | Грязная политика церкви | #антихрист #костёл