З аднаго боку, як прачытаў сёння навіну: "Па заяве пракуратуры Расонскага раёна відэаролік з назвай «Малітва за Беларусь з Вячаславам Барком. 17.07.2021», размешчаны на YouTube, прызнаны экстрэмісцкім матэрыялам." быў здзіўлены, але не таму, што вось такая навіна паявілася. Толькі ўзнікла пытанне, а чаму б наогул пракуратуры "Ксёндз Барок", "Вячаслаў Барок" адразу не прызнаць экстрымісцкімі імёнамі ўласнымі, а ў спалучэнні са словамі "малітва" і "Беларусь" не прызнаць экстрымісцкімі заклікамі? Прызналі ж ужо назвы некаторых інфармацыйных рэсурсаў экстрэмісцкімі, так і тут можна было б. А так, нават мне трэба было з паўгадзіны ламаць галаву, каб зразумець, у якім відэа і на якім канале ёсць схаваны экстрэмізм. Потым пры дапамозе сяброў дашоў да высновы, што відэа размешчана не на маім канале, я яго не здымаў, але ў кадр патрапіў. Так што, паўтараюся ізноў, на канале " #КсёндзБарок" экстрэмізма няма. А вось пра дзеянні пракуратуры, ў тым ліку і Расонскай, так упэўнена не магу сказаць. Я маю асабістае ўражанне, што іх дзеянні, скіраваныя супраць агульнага дабра Беларусі, і правацыруюць распальванне міжканфесійнай варожасці. Такі час сёння, што ўсё перакруцілася. Але няхай памятаюць пракуроры тое, што кажа прарок Ісая 5,20: "Гора тым, якія зло называюць дабром, і дабро — злом, цемру лічаць сьвятлом, і сьвятло — цемраю, горкае лічаць салодкім, і салодкае — горкім!" Лепш і Вам пракуроры жыць па Закону, а калі цяжка так жыць і пазаставацца пракурорамі, то кідайце сваё пракурорства, але ж не парушайце закону. А нам жа сябры важна маліцца за Беларусь. І не важна, з ксяндзом Барком ці без яго, але шчыра і адданна. Толькі з Богам можам сёння перамагчы моц сатаны ў нашай краіне. На жаль, злы дух занадта вольна пачуваецца пасля таго, як у дзяржаве стала не да законаў. @belsat_news #малітва_за_Беларусь #молитвазабеларусь #малітвазаБеларусь